தமிழ்த்தாய் வாழ்த்துப் பாடலும் அதன் விளக்கமும்
நீராருங் கடலுடுத்த நிலமடந்தைக் - கெழிலொழுகும்
சீராரும் வதனமெனத் திகழ்பரதக் - கண்டமிதில்
தெக்கணமும் அதிற்சிறந்த திராவிடநல்
- திருநாடும்
தக்கசிறு பிறைநுதலும் தரித்தநறுந்
- திலகமுமே!
அத்திலக வாசனைபோல்
- அனைத்துலகும் இன்பமுற
எத்திசையும் புகழ்மணக்க இருந்தபெருந்
- தமிழணங்கே!
தமிழணங்கே!
உன் சீரிளமைத் திறம்வியந்து
- செயல்மறந்து வாழ்த்துதுமே!
வாழ்த்துதுமே!
வாழ்த்துதுமே! - மனோன்மணியம்.பெ.சுந்தரனார்.
பாடல் விளக்கம்
* நீராருங் கடலுடுத்த ( நீர் நிரம்பிய கடலை ஆடையாக அணிந்த)
* நிலமடந்தைக் கெழிலொழுகும்(நிலமாகிய பெண்ணுக்கு அழகு சொட்டுகின்ற)
*சீராரும் வதனமெனத்(சமத்தன்மை நிறைந்த முகமாக)
*திகழ்பரதக் கண்டமிதில்(விளங்கும் பாரதக் கண்டத்தில்)
*தெக்கணமும் அதிற்சிறந்த திராவிடநல் திருநாடும்(தக்காணமும் அதில் சிறந்த திராவிட நல் திருநாடும்)
*தக்கசிறு பிறைநுதலும் தரித்தநறுந் திலகமுமே(பொருத்தமான பிறை போன்ற சிறிய நெற்றியும் அதிலிட்ட மணம் வீசும் பொட்டுமே)
* அத்திலக வாசனைப்போல் அனைத்துலகும் இன்பமுற(அந்த திலகத்தின் வாசனைப் போல அனைத்து உலகும் இன்பம் உற)
* எத்திசையும் புகழ்மணக்க இருந்தபெருந் தமிழணங்கே(எல்லா திசைகளிலும் புகழ் மணக்க இருந்த பெருமை மிக்க தமிழாகிய பெண்ணே)
* உன் சீரிளமைத் திறம்வியந்து செயல்மறந்து வாழ்த்துதுமே(உன் இளமை மாதா பண்புக் கண்டு செய்வதறியாவது போற்றுகின்றோமே).
கருத்துகள்
கருத்துரையிடுக